Allar uppskriftir eru lausar við glúten, mjólkurvörur og unnin sykur
Það er eitthvað svo huggulegt við að hjúfra sig upp í sófa undir teppi með heitan súkkulaðidrykk í kuldanum. Ég hef oft mikla löngun í heitt súkkulaði í kringum aðventuna. En amma mín gerði alltaf ótrúlega gott heitt súkkulaði sem að hún bar fram í jólaboðum á hverju ári. Það var kannski ekki alveg það hollasta en það er svo ótrúlega gott í minningunni og varð maður vel saddur af því. Hér er uppskrift að minni útgáfu af heitu súkkulaði…
Bloggið, delicouslyella.com, hjá bloggaranum Ellu Woodward er einstaklega fallegt og ekki eru bækurnar hennar síðri. En það er nýbúið að þýða eina af þeim yfir á íslensku sem ber nafnið Ómótstæðileg Ella. Vinsælasta uppskriftin hennar á blogginu eru sætkartöflu brúnkur sem ég hef alltaf verið á leiðinni að prufa. Nú á dögunum birti hún endurbætta útgáfu af þessari uppskrift sem ég ákvað að prufa og er ég ennþá gáttuð hvað þessar dásamlegu sætkartöflu brúnkur eru dásamlega góðar. Það hljómar kannski…
Hver kannast ekki við Reese’s peanut butter cups frá Herseys? Þetta nammi svipar allavega mjög mikið til þess og það tekur enga stund að útbúa það. Það er því tilvalið að græja þetta þegar að sykurpúkinn kallar á mann eða þegar maður vill eiga eitthvað með kaffinu handa gestum. Hnetusmjörs“skálar“ – …
Þessi súkkulaðiís er í algjöru uppáhaldi hjá mér. Ekki einungis vegna þess hversu bragðgóður hann er heldur líka vegna þess hversu ótrúlega einfalt er að gera hann. Það þarf ekki að nota ísvél til að búa þennan ís til sem er stór kostur fyrir gleymna manneskju eins og mig sem gleymir alltaf að setja ísskálina í frysti svo hægt sé að búa til ís. Súkkulaðiís 600 ml kókosmjólk 1 dl kakó 1 tsk vanilla 1/8 tsk salt 60 ml hlynsíróp…
Þegar heitt er í veðri er svo gott að kæla sig niður með svalandi drykk. Þegar ég var á ferðalagi um Asíu fékk ég mér oft melónukrap í hitanum og það var alltaf jafn kærkomið. Melóna býr yfir ýmsum eiginleikum fyrir heilsuna okkar en hún er m.a. talin vera andoxandi, bólgueyðandi og blóðþrýstingslækkandi. Ásamt því að innihalda kalíum, magnesíum, C-, B6- og A- vítamín. Melónukrapið er bragðgóð leið til að “vökva sig“ í hitanum og til að forðast ofþornun. Það…
Þegar sólin fer að skína og hitna fer í veðri er ómetanlegt að kæla sig niður með ísköldum jarðaberjasjeik. Reyndar finnst mér gott að kæla mig niður allt árið með öllu sem líkist og bragðast eins og ís, en það er nú annað mál. Þar sem ég þoli illa mjólkurvörur var ég ekki lengi að finna leið fyrir mig að njóta jarðaberjaþeytings til að svala ísþörf minni af og til. Þennan þeyting tekur enga stund að græja og eru örfá…
Þetta súkkulaði geri ég oft og á í frystinum. Það klárast hrikalega hratt enda er það svo rosalega gott. Það er enginn vandi að gera sitt eigið súkkulaði og er gaman að bjóða gestum og gangandi upp á heimagert súkkulaði. Það er oft allskonar aukaefni í súkkulaði sem maður kaupir út í búð í dag og hrikalega erfitt að finna eitthvað sem er laust við unninn sykur og mjólkurvörur. Ég skora því á þig að prufa að gera þitt eigið…
Þessi rjómi er sko engin venjulegur rjómi enda er ekkert skemmtilegt að vera venjulegur. Það staldra flestir við og klóra sér í hausnum yfir áferðinni og útlitinu á honum en maður gleymir því um leið og maður smakkar hann. Hann kemur nefnilega mjög á óvart og kemur vel í staðin fyrir venjulegan rjóma. Það er því vel hægt að setja hann á vöfflurnar, borða hann með súkkulaðiköku eða hvað sem þér dettur í hug og lystir til. Kasjúrjómi 1 dós kókosmjólk…
Við ÍSlendingar erum örugglega með met í fjölda ísbúða og eru alls ekki öll lönd með ísbúðir opnar allt árið eins og hér heima. Ég er ein af þeim sem er gjörsamlega sjúk í ís og gæti borðað hann í öll mál ef það væri í boði. Það erfiðasta við að hætta að borða mjólkurvörur var að missa ísinn, að mínu mati. Þar kom ísvélin mín til bjargar og elska ég að tilraunast með hana. Hér er ég með uppskrift…
Ég held það sé nokkuð augljóst á þessu bloggi mínu hversu mikill nammigrís ég er. Ég elska súkkulaði og ég gæti ekki lifað án þess, það er bara þannig. Í þetta sinn gerði ég möndlufylltar döðlur sem ég hjúpaði með súkkulaði. Þetta er svo einfalt að það geta allir græjað þetta á núll einni. Súkkulaðið 1 dl kókosolía 1 dl kakó 1/2 dl hunang 1/4 tsk sjávarsalt 1/2 tsk vanilla Settu kókosolíuna í vaskinn í lokaðri krukkunni og láttu heitt vatn…