Njóttu Morgunsins

Hollráð um chiagraut

Ég hef áður bloggað um chiagraut og hversu gott mér finnst að fá mér hann á morgnanna eða fyrir ræktina. Um helgar finnst mér einkar gott að hafa hann í algjörri lúxusútgáfu og set ég þá karmellu á hann. Ég set ekki karmellu á hann á virkum dögum nema ég sé alveg sérstaklega góð við sjálfa mig.

Það er mjög mikilvægt að vera duglegur að fá sér chiagrautinn í ýmsum útgáfum svo maður fái ekki leið á honum. Þið getið haft eftirfarandi í huga:

  • Setja t.d. ekki alltaf sömu ávextina í hann á hverjum degi. Epli, perur, ananas, mango og/eða ber til dæmis. Bara hvað sem ykkur dettur í hug.
  • Eins er hægt að leika sér með kanill, vanillu og kakó, setja mismikið af hverju eða bara eitt af þessum þremur.
  • Einnig eru þurrkuð ber alltaf góð með þessu og set ég alltaf gojiber í grautinn minn enda eru þau einstaklega holl og góð fyrir okkur. Mórber eru einnig mjög góð í grautinn.
  • Ef þið þolið haframjöl getiði bætt því í grautinn til að hann verði meiri fylling í magann, ég mæli þó með því að hafa það glútenlaust (merki sem heitir urtekram í nettó og krónunni)
  • Skella á hann karmellu þegar maður vill gera vel við sig.
  • Svo er hægt að setja kókosflögur, kakónibbur og fræ.

Grauturinn í dag er bara örlítið frábrugðin þeim sem ég bloggaði um síðast.

Chiagrautur

  • 250 ml möndlumjólk (helst heimagerð)
  • 2 msk chia fræ
  • 1 msk hampfræ (má sleppa)
  • 1 msk fínt kókosmjöl
  • 3/4 tsk kakó
  • 1/2 tsk kanill
  • hnífsoddur sjávarsalt

Ég setti jarðaber og bláber í annan grautinn og epli og bláber í hinn. Ég setti svo kókosflögur, gojiber og karmellu ofan á. Mér finnst einnig mjög gott að setja kakónibbur í grautinn en átti þær ekki til núna.
Eins ef ég á ekki möndlumjólk þá set ég 50 ml af kókosmjólk í fernu á móti 100 ml af vatni.

Karmella:

  • 2 msk gróft hnetusmjör
  • 2 msk kókosolía
  • 1/2 msk hunang
  • hnífsoddur af salti
  • smá vanilla

Njótið vel og verði ykkur að góðu <3

You Might Also Like

1 Comment

  • Reply Betty Gretarsdottir 15. október, 2015 at 08:27

    Hæ Anna,
    Flottar uppskriftir!Kær kv.Betty

  • Skildu eftir svar við Betty Gretarsdottir Cancel Reply