Njóttu Morgunsins

Haustchiagrautur!

30. september, 2014

Ég veit fátt betra en að fá mér chiagraut í morgunmat eða fyrir ræktina. Ég reyni að hafa chiagrautinn minn aldrei eins. Ég er alltaf að prufa mig áfram með ýmar útfærslur svo ég fái ekki leið á honum.  Ég náði að týna nokkur bláber í ágústmánuði mér til mikillar gleði því íslensk bláber eru einfaldlega best.

Uppskriftin miðast við einn:

Chiagrautur

  • 250 ml möndlumjólk (helst heimagerð)
  • 2 msk chia fræ
  • 1 msk hampfræ (má sleppa)
  • 1/2 tsk vanilla – kaupi hana alltaf í krónunni
  • 1/2 tsk kanill
  • hnífsoddur sjávarsalt
  1. Skelltu þessu öllu saman í krukku og hrærðu saman. Láttu standa í ísskápnum yfir nótt, ef þetta er of þykkt daginn eftir bætir þú möndlumjólk út í – ef of þunnt bættu smá chiafræjum útí.
  2. Ef þú hefur ekki tíma til að gera þetta kvöldið áður og ætlar að gera þetta samdægurs myndi ég setja minna af möndlumjólkinni, ætti að þykkna á ca 20-30 mín.
  3. Stundum nota ég kókosmjólk í fernum ef ég á ekki til möndlumjólk, þá þynni ég hana með vatni; ca 50 ml af kókosmjólk og 120 ml af vatni.

Ef þú notar aðra mjólk en ég tel upp hér að ofan myndi ég byrja á 150 ml á móti 2msk af chia fræjum og bæta þá bara í staðinn mjólk út í næsta dag ef þetta er of þykkt. Það er mismunandi eftir því hversu feit mjólkin er hversu mikið fræin draga í sig. 

Berjalag:

  • 1 lítið lífrænt epli
  • 4 msk frosin íslensk bláber
  • Nokkur blöð af myntu

Skellti þessu öllu í rauðu þrumuna en það er hægt að setja þetta í blandara eða matvinnsluvél – eða sleppa alveg að mauka þetta og grófsaxa þetta bara 😉

Set berjalag- chiagrautur – berjalag – chiagrautur – berjalag
Svo setti ég mórber, gojiber og kókosflögur ofan á.

Karmella:

  • 1 msk gróft hnetusmjör
  • 1 msk kókosolía
  • 1/2 msk hunang (má sleppa, algjört spari)
  • hnífsoddur af salti
  • smá vanilla

Karmellunni skellt yfir og þá er ekkert annað eftir en að njóta <3

2014-09-27 10.37.51

You Might Also Like

No Comments

Leave a Reply

Vantar þig hugmyndir að hollum og bragðgóðum mat?

Þá er rafræna uppskriftarbókin mín eitthvað fyrir þig og þú getur skoðað hana í hvaða tæki sem er. Í uppskriftarbókinni eru hugmyndir fyrir allar máltíðir dagsins ásamt ýmsu girnilegu góðgæti.

Uppskriftirnar eru vegan, glútenlausar og lausar við unna sætu.

Verslaðu bókina hér