Áður fyrr keypti ég möndlumjólkina út í búð því ég hélt að þetta væri eintómt vesen að búa til mína eigin mjólk. Fljótt fór ég að átta mig á því að það var búið að troða allskonar gervisætuefnum í möndlumjólkina út í búð og ýmsu fleiru sem ég kærði mig ekkert um að hafa í möndlumjólkinni minni. Ég setti því letina á hilluna og bjó til mína eigin mjólk og hef gert síðan, það tekur enga stund og er rosalega einfalt.

Uppskrift

• 1 bolli möndlur (lagðar í bleyti yfir nótt með 1/2 tsk salti)
• 4 bollar vatn
• 4 döðlur
• 1 tsk vanilla (Ég nota frá Rapunzel eða Naturata til í krónunni, nettó og heilsubúðum)

Ég set þetta allt saman í einu í gegnum safavélína mína núna, en áður setti ég þetta alltaf í blandarann;

1. Leggðu möndlur í bleyti í allavega 12 klst í hreinu vatni með 1/2 tsk salti.
2. Settu möndlurnar í sigti og skolaðu þær vel undir köldu kranavatni.
3. Skelltu síðan öllu í blandarann og blandaðu í nokkrar mín.
4. Settu í síupoka frá Ljósinu (Langholtsvegi 43) í stóra skál (hrærivélaskál) og helltu mjólkinni í gegnum síupokann og kreistu vökvan í gegn.
5. Helltu mjólkinni í glerflöskur eða krukkur. Geymist í ísskáp í allt að viku.

Frystu möndluhratið eða notaðu það strax í bakstur.