Njóttu Safa og Þeytinga

Rauðrófusafi

30. nóvember, 2015

Ég geri mér reglulega rauðrófusafa úr fallegu safavélinni minni. Ég nota nú aldrei neina sérstaka uppskrift, týni bara eitthvað í hann sem ég á í ísskápnum og mig lystir í hverju sinni. En ég ákvað að skrifa niður uppskrift til að deila með þér, kæri lesandi, og vona ég að þér líki vel.

Rauðrófusafi                                                               Uppskrift fyrir 1

IMG_6119

  • 1 rauðrófa, ca 150g.
  • 1 lífræn pera
  • 1/4 sítróna
  • 1/2 gúrka
  • 1-2 cm engifer (smekksatriði)
  • 3-4 myntublöð
  • 1/2 sellerístöngull (má sleppa)
  • 1/2 tsk kanill
  1. Skerðu allt saman niður í hentuga stærð fyrir safavélina þína.
  2. Skelltu grænmetinu og ávöxtunum í gegnum safavélina.
  3. Hrærðu kanilnum út í safann með písk.
  4. Helltu rauðrófusafanum í glas (bestur með klökum).

Ef þú átt ekki safavél getur þú blandað þessu saman í blandara og notað síupoka frá Ljósinu til að kreista safan frá hratinu. 

Þá er ekkert annað eftir en að njóta <3

 

You Might Also Like

No Comments

Leave a Reply

Vantar þig hugmyndir að hollum og bragðgóðum mat?

Þá er rafræna uppskriftarbókin mín eitthvað fyrir þig og þú getur skoðað hana í hvaða tæki sem er. Í uppskriftarbókinni eru hugmyndir fyrir allar máltíðir dagsins ásamt ýmsu girnilegu góðgæti.

Uppskriftirnar eru vegan, glútenlausar og lausar við unna sætu.

Verslaðu bókina hér