Súkkulaðiþeytingur

Allflestar uppskriftir af súkkulaðiþeytingum sem hafa orðið á vegi mínum innihalda banana. Þar sem bananar fara frekar illa í mig ákvað ég að  taka málin í mínar hendur. Ég hef verið með hugmynd af súkkulaðiþeyting í kollinum lengi og ákvað loksins að skella henni í blandarann. Það tókst mjög vel og var niðurstaðan vonum framar. Þá er í rauninni ekki eftir neinu öðru að bíða en að deila uppskriftinni með þér.

Súkkulaðiþeytingur                                                                       Uppskrift fyrir 1

• 200 ml möndlumjólk (eða 50 ml kókosmjólk í fernu og 150 ml vatn)
• 2 msk kakó
• 3/4 msk hnetusmjör
• 1/4 tsk vanilla
• 2 döðlur
• 1/2 avacado
• 10 heslihnetur
• 1/2 msk kakósmjör
• 1 msk kókosolía
• 7 klakar
• Hnífsoddur salt

Skelltu þessu í blandarann þangað til allt er orðið vel blandað saman!

Drekktu þeytinginn strax og njóttu vel <3

Skál!