Spirulinadrykkur

Þessi drykkur er eitthvað sem að við mæðginin gerum mjög reglulega heima enda er hann svo fagurblár og virkilega bragðgóður. Það er mjög sniðugt að nota ofurfæðuduft í þeytinga til að gera þá meira girnilegri og skemmtilegri fyrir börn. Algjör snilldar leið til að koma meira af ávöxtum ofan í þau og þetta er hressing sem tilvalið er að útbúa eftir leikskóla.

Í drykkinn notum við bláa spirulinu, en hana má nálgast hjá versluninni tropic.is sem er bæði netverslun og búð sem staðsett er í glæsibæ. Þetta er ekki samstarfsfærsla við tropic heldur mæli ég virkilega mikið með vörunum sem fást þar og vil virkilega deila gleðinni því ég trúi mjög mikið á mátt ofurfæða. Það að nota ofurfæður í drykki gerir þá næringarríkari og við fáum meiri breidd af heilsufarsbætandi efnum. Blá spirulina er t.d. talin vera mjög góð til að minnka bólgur í líkamanum, bæta meltingu og það besta; hún er algjörlega bragðlaus.

Besta leiðin til að fá börn til að borða holla fæðu er að leyfa þeim að vera með í að búa hana til. Það að gefa þeim rými til að hafa eitthvað um það að segja hvað fer t.d. í drykkinn og að gera hann sjálf gerir þau tengdari hráefninu og því hvað líkaminn þeirra er að biðja um hverju sinni