Njóttu Góðgætis

Mangó&Appelsínusorbet

8. júní, 2017

Þegar sólin er á lofti og heitt er í veðri langar mig undantekningalaust í ís. Ég hef margoft dottið í þá gryfju að enda inn í íssbúð að kaupa mér ís og svo liðið illa á eftir vegna þess hve mjólkurvörur og unnin sæta fara illa í mig. Lausnin á þessu er að eiga góðan ís í frystinum eða að búa hann til í snatri. En að þessu sinni ætla ég að deila með þér uppskrift að mangó og appelsínusorbet sem er algjör unaður á bragðið. Það er ekkert mál að græja hann en þessi uppskrift er einföld, bragðgóð og fljótleg.

Mangó&Appelsínusorbet                                                     Uppskrift fyrir ca. 4-5

  • 920 lífrænt mangó (4 stk)
  • 400 ml safi úr lífrænum appelsínum (6 stk)
  • 1 tsk appelsínubörkur
  • 2 msk hlynsíróp
  • 1/2 tsk gróft salt
  1. Afhýddu mangóið, skerðu það niður og kreistu safan úr appelsínunum.
  2. Skrapaðu smá börk af appelsínunni og passaðu að skrapa eins utarlega og þú getur. Þú vilt ekkert hvítt í börkinn þá verður hann svo beiskur.
  3. Settu allt í blandara og blandaðu þar til silkimjúkt.
  4. Settu í ísvél eða í box og inn í frysti.

Þegar ég geri ís þá nota ég ísvélina mína sem kostaði lítið sem ekkert á sínum tíma og hefur bjargað mér svo oft þegar íslöngunin bankar upp á. Ég mæli með því að eiga slíka ef þú ert sólgin í ís eins og ég. En ef þú átt ekki ísvél þá getur þú auðvitað sett ísblönduna í frysti í hentugu íláti. Sniðugt væri t.d. að frysta hann í íspinnaformum sem fást í ikea, það slær alltaf í gegn hjá börnunum.

Njóttu í botn <3

 

You Might Also Like

No Comments

Leave a Reply