Njóttu Millimála

Hafrakúlur

14. október, 2015

Hér í Danmörku stendur yfir viku vetrarfrí svo að ég er að nýta tímann vel í að búa til nokkrar uppskriftir á meðan ég hvíli mig frá námsbókunum. Hér er ein þeirra, gómsætar hafrakúlur sem eru tilvaldar til að narta í milli mála. Það er mjög einfalt að búa þær til og tekur það alls ekki langan tíma.

Hafrakúlur                                                                                                        ca. 25 stk.

  • 100 g döðlur, lagðar í bleyti yfir nótt
  • 50 ml kókosolía, fljótandi
  • 2 msk möndlusmjör
  • 1/2 tsk vanilla
  • 1/4 tsk salt
  • 1 1/2 dl kókosmjöl
  • 2 dl haframjöl
  • 2 msk kakó
  • 50 g hnetur að eigin vali (ég notaði möndlur og brasilíuhnetur)
  1. Döðlukarmella: Taktu döðlurnar úr bleyti og skelltu þeim í matvinnsluvél/blandara ásamt kókosolíu og möndlusmjöri.
  2. Hrærðu þurrefnunum saman.
  3. Malaðu hneturnar í blandara/matvinnsluvél og blandaðu saman við þurrefnin.
  4. Blandaðu döðlukarmellunni vel saman við þurrefnin.
  5. Myndaðu kúlur með höndunum og settu þær í krukku eða annað geymsluvænlegt ílát.

Ég geymi hafrakúlurnar í frystinum og þurfa þær ekki langan tíma til að jafna sig áður en maður borðar þær. Það er algjör snilld að eiga millimál í frystinum og er mjög skemmtilegt þegar að maður á gott úrval af þeim.

Njóttu vel <3

IMG_6176

You Might Also Like

No Comments

Leave a Reply