Njóttu Morgunsins

Berjaþeytingur í skál

31. október, 2015

Þennan lúxusmorgunmat gerði ég um síðustu helgi og verð ég að deila með þér uppskriftinni því þetta var virkilega gott. Þessi morgunmatur er algjört sælgæti enda í sætari kantinum, en það má allt um helgar, ekki satt? Það er mjög skemmtilegt að skella þeyting í skál ásamt þurrkuðum berjum, kókosflögum og fleiru gúmmelaði. Ég reyni að hafa sem mesta fjölbreytni í fæðunni hjá mér svo ég fái ekki leið á hlutunum og er því tilvalið að skella þeytingnum stundum í skál í staðin fyrir að drekka hann með röri eins og maður gerir svo oft. Eins er algjör snilld að gæða sér á þessu um helgar þegar manni langar í eitthvað nammigott.

Uppskriftin er fyrir tvo.

Berjaþeytingur

  • 3 dl frosin ber (ég notaði bláber, hindber og brómber)
  • 1 1/2 dl möndlumjólk
  • 1/2 lífrænt epli
  • 1/2 msk möndlusmjör
  • 2 döðlur
  • 2 msk glútenlaust haframjöl
  • 1 msk chia fræ
  • 1/2 msk kókosolía
  • 1/4 avacado
  • 1/3 tsk vanilla
  • 1/2 tsk kanill
  1. Skelltu öllum innihaldsefnunum saman í blandara þangað til allt er orðið vel blandað saman.
  2. Skiptu blöndunni niður í 2 skálar.

Súkkulaði

  • 2 msk fljótandi kókosolía
  • 2 msk kakó
  • 1 msk hunang
  • 1/2 msk kókosmjólk í fernu
  • 1/8 tsk salt

Öllu hrært saman í bolla og síðan sett á ískaldan berjaþeytingin því þá harðnar súkkulaðið.

Mjög gott að skreyta með kókosflögum, gojiberjum og mórberjum!

IMG_6637

Njóttu í botn!

You Might Also Like

No Comments

Leave a Reply